Qaraǵandy oblysy Jezqazǵan qalasynyń ákimi óz erkimen qyzmetinen ketti, dep habarlaıdy Qaraǵandy oblystyq ákimdiginiń baspasóz qyzmeti.
«Jezqazǵan qalasynyń ákimi Batyrlan Ahmetov óz erkimen jumystan ketý týraly túsirgen ótinishine baılanysty qyzmetinen ketti. Onyń ýaqytsha mindetin atqarý ákimniń orynbasary Amangeldi Muhambedınge júkteldi».
Batyrlan Dúısenbaıuly 1969 jyldyń 30 qańtarynda Qaraǵandy oblysynyń Jezqazǵan qalasynda dúnıege kelgen. Qaraǵandy polıtehnıkalyq ınstıtýtynyń Jezqazǵan fılıalyn, Qazaq memlekettik basqarý akademııasy janyndaǵy naryq ınstıtýtyn jáne E.A.Bóketov atyndaǵy Qaraǵandy memlekettik ýnıversıtetin bitirgen.
Biliktiligi boıynsha taý-ken ınjener-baıytýshy, ekonomıst jáne zańger. Eńbek jolyn 1989 jyly «Jezqazǵantústimetall» ǵylymı-óndiristik birlestiginiń dıirmen mashınısinen bastaǵan.
1992 jyl men 2012 jyldar aralyǵynda ár túrli mamandyqta salyq organdarynda sonyń ishinde Jezqazǵan jáne Sátbaev qalalarynyń salyq basqarmasynda basshy qyzmetin atqardy. «Nur Otan» partııasynyń múshesi.
2012 jyldyń aqpan aıy men 2013 jyldyń naýryz aıy aralyǵynda Sátbaev qalasynyń ákimi boldy. 2013 jyldyń naýryz aıynan taǵaıyndaǵan merzimge deıin Jezqazǵan qalasy ákiminiń orynbasary mindetin atqardy.